«Անցած տարի հուլիսի 27-ին մահացած 26-ամյա ծննդկան Մերի Մարգարյանի հայրը՝ Վաղինակ Մարգարյանը, դիմում Է ներկայացրել Փաստաբանների պալատ՝ «Շենգավիթ» ԲԿ-ի մանկաբարձ-գինեկոլոգ Շուշանիկ Բախշյանի պաշտպան Ալեքսանդր Սիրունյանի նկատմամբ կարագապահական վարույթ հարուցելու և նրան պատասխանատվության ենթարկելու վերաբերյալ։ Տուժող կողմին հատկապես վիրավորել և ցավ են պատճառել Շուշանիկ Բախշյանի փաստաբանի մի շարք արտահայտություններ՝ «հոսպիտալացնեին էլ մահանալու էր, չհոսպիտալացնեին էլ», «Եթե մարդ դատվեց այս գործով, ապա դա հաստատ Շուշանիկ Բախշյանը չի լինելու», «էտ ընտանիքը», «այս մահացածի մոտ գտել են մի փոքր մսի կտոր, ասել են՝ սա լյարդն է եղել, սա էլ թոքերն են եղել»։
Մերի Մարգարյանի հոր՝ տուժողի իրավահաջորդի ներկայացուցիչ Մարինե Թովմասյանը երեկ լրատվամիջոցներից մեկին ասել է, որ եթե Փաստաբանների պալատի նախագահը առերևույթ հանցագործության հիմքեր տեսնի, ապա դիմումին ընթացք կտրվի, իսկ ընթացք տալու դեպքում ւսյդ գործընթացը բավականին երկար կտևի»,- գրում է թերթը։
Ավելի մանրամասն կարդացեք թերթի այսօրվա համարում:
Մենք պատրաստվում ենք դե յուրե հիմնավորել Արծվաշենի Հայաստանի մաս լինելը. Փաշինյան 
