Իրանի եւ Վրաստանի միջև էլեկտրաէներգիայի հոսքը կանցնի Հայաստանի տարածքով։ Այս մասին լրագրողների հետ զրույցում ասել է Հայաստանի էներգետիկայի և բնական պաշարների փոխնախարար Արեգ Գալստյանը:
Երևանում Ռուսաստանի, Իրանի ու Հայաստանի էներգետիկայի նախարարների հանդիպման ավարտին, նա ասաց, որ Վրաստանն ամռանը ցանկանում է էլեկտրաէներգիա մատակարարել Իրան, իսկ ձմռանը՝ հետ ստանալ։
«Գործարքը շահավետ է բոլոր 3 կողմերի համար։ Ամռանը Իրանը էլեկտրաէներգիայի պակաս է զգում օդափոխման համակարգերի պատճառով հոսանքի մեծ ծախսերի հետ կապված։ Իսկ Վրաստանում տարվա այդ եղանակին գետերի հորդացումից հիդրոէներգիայի ավելցուկ է լինում։ Շահում է նաև Հայաստանի բարձր լարման ցանցը, որը տարանցիկ ճանապարհ է ապահովում։ «Իհարկե ծավալները փոքր են, և չեն կարող մեծ ազդեցություն ունենալ էներգետիկ բալանսի վրա՝ հաշվի առնելով Հայաստանի բաշխիչ ցանցի դեռեւս սահմանափակ հնարավորությունները։ Սակայն անգամ նման սահմանափակ մատակարարումները շատ կարևոր են էներգետիկ քաղաքականության առումով։ Հետագայում ցանցի զարգացման հետ մենք դրանք կընդլայնենք»,- հայտարարել է նա:
Խուճապ էր, բոլորը լացում, գոռում էին. Աբու Դաբի-Երևան չվերթի կայծակնահարված օդանավի ուղեւորը մանրամասներ է պատմում 
