Սեպտեմբերի 19-ին, ժամը 22.40-ին, շտապօգնության կայանից ոստիկանության Մեծամորի բաժնում հաղորդում է ստացվել, որ Ակնալիճ-Զարթոնք ճանապարհին երիտասարդ կնոջ դիակ կա:

Այս մասին հայտնում են ՀՀ ոստիկանությունից։

Հաղորդագրության մեջ ասվում է, որ մեկնած օպերատիվ խումբը նշված ճանապարհի 2-րդ կմ-ին հարակից Սևջուր-Ախթամար ջրատարում հայտնաբերել է 1978 թ. ծնված Նարինե Դանիելյանի դիակը՝ մարմնի տարբեր մասերում բռնության հետքերով:

Ձեռնարկված միջոցառումների շնորհիվ պարզվել է, որ ժամը 22-ի սահմաններում նույն ճանապարհահատվածում, վիճաբանության ժամանակ, 1970թ. ծնված Արթուր Մ.-ն, խանդի հողի վրա, ծեծելով սպանել է կնոջը՝ Ն. Դանիելյանին:

Արթուր Մ.-ն ձերբակալված է: Կատարվում է քննություն: