Հայաստանի ԱԻՆ-ում, մարտի 30-ին, ժամը 20:53-ին ահազանգ է ստացվել, որ Արմավիրի մարզի Մարգարա գյուղ տանող ավտոճանապարհի 4-րդ կմ-ին տեղի է ունեցել ավտովթար, կա տուժած, անհրաժեշտ է փրկարարների օգնությունը։
Դեպքի վայր է մեկնել մեկ մարտական հաշվարկ:
Պարզվել է, որ Մարգարա գյուղ տանող ավտոճանապարհի 4-րդ կմ-ին բախվել են «Infiniti QX4» մակնիշի 30 SS 130 պետհամարանիշի (վարորդ՝ 31-ամյա Կարեն Մ.) ավտոմեքենան եւ «ԼԱԶ» մակնիշի 28 OU 590 պետհամարանիշի (վարորդ՝ 54-ամյա Հայկ Տ.) ավտոբուսը:
Փրկարարները «Infiniti QX4» մակնիշի ավտոմեքենայից դուրս են բերել Կարեն Մ.-ին, ով հոսպիտալացվել է Վաղարշապատի ԲԿ, որտեղ բժիշկները տուժածի առողջական վիճակը գնահատել են բավարար:
Փրկարարները փակել են ավտոմեքենաների գազի բալոնների փականները, հոսանքազրկել ավտոմեքենաները. իրականացվել են ճանապարհի լվացման աշխատանքներ:
Զախարովա. Արևմուտքը Հայաստանը դիտարկում է որպես գործիք, որի հետ կխաղա, հետո կլքի 
Ծննդաբերությունից հետո Լուսինեի մոտ քաղցկեղ են հայտնաբերել 
