Բրիտանացի գիտնականների հետազոտությունն ապացուցել է, որ զուգընկեր ընտտրելիս կնոջ վրա ազդում են նրա հարազատ տղամարդիկ։ Հայրերի հետ կանանց ընտրյալների նմանությունը արդեն ապացուցված է, դրա համար էլ այս անգամ գիտնականները ուշադրություն են դարձրել եղբայրների ու ընտրյալների միջեւ նմանությանը, հայտնում է Svopi–ն։

Փորձին մասնակցել են կամավոր կանայք, որոնց ցույց են տվել տարբեր տղամարդկանց լուսանկարների 2 հավաքածու ։ Նրանց խնդրել են գտնել այդ տղամարդկանց արտաքին նմանությունները։ Լուսանկարների յուրաքանչյուր հավաքածուի մեջ երկու տեսակի տղամարդիկ էին՝ կանանց եղբայրները ու նրանց ընտրյալները։ Փորձի մասնակիցները չգիտեին այդ լուսանկարներում պատկերված տղամարդկանց կապերի մասին։ Արդյուքում կանանց 27 տոկոսը նկատել է նմանություն կանանց եղբայրների ու նրանց ընտրյալների միջեւ։ Բրիտանացիների համար այս արդյունքներն անակնկալ էին։ Հետազոտղների տարօրինակ է թվում, որ կանանց զուգընկերները կարող են որեւէ նմանություն ունենալ նրանց եղբայրների հետ։ Արդյունքում հետազոտողները հանգել են այն եզրակացության, որ կանացի ենթագիտակցությունը դեռ լավ ուսումնասիրված չէ ու իր տեսակի մեջ եզակի է։