«Դոնեցկի Շախտյորն» ու մյունխենյան «Բավարիան» համաձայնեցրել են Դուգլաս Կոստայի՝ գերմանական ակումբ տեղափոխվելու հետ կապված բոլոր անհրաժեշտ փաստաթղթերը:
24-ամյա բրազիլացի հարձակվողը նոր մրցաշրջանը կսկսի Մյունխենում, հաղորդում է «Շախտյորի» պաշտոնական կայքը:
Տրանսֆերի արժեքը կազմել է 30 մլն. եվրո:
Ուկրաինական ակումբի պաշտոնական հաղորդագրության մեջ մասնավորապես ասված է. ««Շախտյորը» շնորհակալություն է հայտնում Դուգլասին՝ թիմում անցկացրած ժամանակի համար և մաղթում հաջողություններ նոր ակումբում»:
Հավելենք, որ «Շախտյորի» կազմում Կոստան մասնակցել է 230 հանդիպման՝ դառնալով 38 գոլի հեղինակ:
Թիմի հետ հարձակվողը 5 անգամ Ուկրաինայի չեմպիոն է դարձել, նվաճել երկրի 3 Գավաթ և 4 Սուպերգավաթ:
Ինձագի․ Մխիթարյանի անհավանական սեյվը խորհրդանշական է այս թիմի համար (տեսանյութ) 
