«Մանչեսթեր Յունայթեդի» եւ Ուրուգվայի հավաքականի նախկին հարձակվող Դիեգո Ֆորլանն, ով 2016-ից հանդես է գալիս հնդկական «Մումբայ Սիթիում»,thenational.ae-ին տված հարցարույցում, անդրադառնալով անգլիական ակումբի խաղին, խոսել է նաեւ Հայաստանի հավաքականի կիսապաշտպան Հենրիխ Մխիթարյանի մասին: «Հենրիխ Մխիթարյանից ժամանակ պահանջվեց թիմին հարմարվելու համար, սակայն նա հիանալի ֆուտբոլիստի տեսք ունի եւ թիմին առաջ տանող ստեղծագործ ուժ է։ Սիրեցի նրա կարիճ հարվածով գոլը «Սանդերլենդի» հետ խաղում»,- ասել է Դիեգո Ֆորլանը: