կենդանակերպի նշաններին անկողնային սպիտակեղենի գույների ցանկը: Կրակոտ Խոյն ու Առյուծը պետք է նախապատվությունը տան՝ կրակոտ, արեւոտ, պայծառ գույներին, որոնք կարող են իրենց վրա ունենալ երկրաչափական պատկերների տեսքով նախշեր: Աշխատասեր Ցուլն ու Այծեղջյուրը շատ ավելի համեստ ու պահպանողական գույներ պիտի ընտրեն՝ կանաչ, շագանակագույն, բաց վարդագույն: Այս գույները կսազեն նաեւ Կույսին: Տեղին են բույսերի, ծաղիկների տեսքով նախշերը: Երկվորյակներն ու Կշեռքները սիրում են հավասարակշռություն: Նրանց էլ կսազեն համեստ գույները: Հպարտ Խեցգետինը միայն բարձրորակ սպիտակեղեն կնախընտրի՝ հաճախ գույնը երկրորդ պլան մղելով: Դե Ջրհոսն ու Ձկներն էլ հանգիստ գույներ են ընտրում. կապույտի եւ երկնագույնի տարբեր երանգներ, արծաթափայլ ֆոներ, մանուշակագույն երանգավորում: Կարիճները սիրում են իրենց շրջապատել շքեղությամբ: Ու նախապատվությունը տալիս են մուգ կարմիր, դեղին գույներին: Աղեղնավորները, որ ճամփորդության սիրահար են՝ սպիտակ են սիրում: