Խոյ՝ «լավագույն»

Եթե Կշեռքները ձեզ ասեն, որ բոլորը հավասար են, լավագույններ եւ վատագույններ չկան, ապա Խոյերին, հակառակը, դուր է գալիս, երբ իրենց լավագույնն են կոչում: Խոյը սիրում է մրցակցել եւ առաջինը լինել ամեն ինչում: Ինչո՞ւ է Խոյի ամենասիրած բառը «լավագույնը»: Քանի որ ամեն անգամ, երբ նա ինչ-որ տեղ է գնում, սիրում է օգտագործել այդ բառը. «Սա քաղաքի լավագույն ռեստորանն է», «Փորձեք այս պիցցան, այն լավագույնն է», «Իմ ընկերը/ընկերուհին լավագույնն է»: Եթե ցանկանում եք ուրախացնել ձեր Խոյին, հաճախ ասեք, որ նա լավագույնն է:

Ցուլ՝ «հուսալի»

Ցուլը սիրում է հուսալիությունը, եւ Խոյի նման ամեն ինչում լավագույնը լինելու համար ռիսկի չի դիմի: Ցուլի համար կարեւոր են կայունությունն ու վաղվա օրվա հանդես հույսը, նա ցանկանում է նյութապես ապահովել իրեն: Ինքը նույնպես հուսալի մարդ է, նրա խոստմանը կարելի է հավատալ, նա լավ ընկեր է, ժամանակին օգնության կգա, կօգնի խորհրդով եւ երբեք չի դավաճանի:

Երկվորյակներ՝ «հետաքրքիր»

Օյ, ինչ հետաքրքիր է. սովորաբար այսպես են Երկվորյակներն արձագանքում նոր տեղեկությանը: Երկվորյակները հետաքրքրասեր են, միշտ պատրաստ են նոր բան իմանալ: Նրանք բաց են նոր գիտելիքների առջեւ, ամենաշատը վախենում են ձանձրույթից ու առօրեականությունից: Շփվելով մարդկանց հետ՝ Երկվորյակները ձգտում են յուրաքանչյուրի համար առավելագույնս հետաքրքիր լինել, այդ պատճառով նրանց հետ դյուրին է եւ հաճելի է զրուցել: Դուք նույնպես հետաքրքիր եղեք նրա համար, քննարկեք վերջին նորությունները, հետաքրքիր նյութերը: Ձանձրալի մի եղեք, հակառակ դեպքում՝ Երկվորյակները կփախչեն ձեզանից:

Խեցգետին՝ «անվտանգ»

Խեցգետինը վտանգավոր իրավիճակներում լավ բնազդ ունի, ինչի համար նրան հաճախ վախկոտ եւ կասկածամիտ են կոչում: Իրականում բնազդն ու կանխազգացումը նրան օգնում են բազմաթիվ հարցերի լուծման ժամանակ, եւ Խեցգետինը, ի դեպ, հաճախ զգում է խաբեությունն ու ձգտում է գործարքներ չկնքել, երբ կանխազգում է իր պարտությունը: Խեցգետինն անվտանգություն է սիրում։ Նրա կյանքն անվտանգ ու հարմարավետ դարձրեք, եւ Խեցգետինը կբացվի: Խեցգետինը նաեւ շատ է վախենում, որ իր սիրելիներից որեւէ մեկին կարող է վտանգ սպառնալ: «Անվտանգ» բառն ամենահարմարն է Խեցգետինների համար:

Առյուծ՝ «անկրկնելի»

Խոյերին դուր է գալիս, որ իրենք լավագույնն են մյուսների համեմատ, իսկ երբ Առյուծին եք սկսում համեմատել ինչ-որ մեկի հետ, նա զայրանում է: Առյուծն ինքնատիպ է եւ անկրկնելի: Նրա համար կարեւոր է բացառիկ լինել սիրելիի համար: Առյուծը սիրում է տպավորություն գործել մարդկանց վրա եւ ծափահարություններ, հիացած հայացքներ է սպասում: Առյուծին ասեք, որ նա անկրկնելի է, եւ մի համեմատեք ինչ-որ աստղի հետ:

Կույս՝ «ճիշտ»

Կույսի համար կարեւոր է ամեն ինչում ճիշտ լինել, նա հետեւում է կանոններին եւ չի խախտում սոցիալական նորմերը: Ահա այսպիսի կոնֆորմիստներ են Կույսերը, որոնք, ասենք, կարմիր լույսի տակ երբեք չեն անցնի փողոցը: Նրանք համբերատար կսպասեն կանաչ լույսին, եթե նույնիսկ մեքենա չկա: Տղամարդ Կույսերի համար կարեւոր է իմանալ, որ ճիշտ են ապրում, որ իրենց արարքները խելամիտ են, իսկ, կարեւորը, ռացիոնալ: Կույսերն ամեն ինչ նախապես են ծրագրում՝ սխալներից խուսափելու համար: Կին Կույսերը հպարտանում են, որ գերազանցիկ են, խելացի եւ լավ տանտիրուհիներ:

Կշեռք՝ «հրաշալի»

Կշեռքները սիրում են ամեն ինչում հրաշալին տեսնել: Գեղեցիկ նկար, հաճելի աղջիկ, հմայիչ երիտասարդ: Իսկ ինչ հրաշալի ծաղիկներ են պատուհանագոգին: Ինչ հրաշալի էր ասված: Կշեռքները սիրում են, երբ իրենցով հիանում են՝ ինչպես արվեստի ստեղծագործությամբ: Տղամարդ Կշեռքներին հարկավոր է գովաբանել ռոմանտիկ խառնվածքի եւ ջենտլմեն լինելու համար:

Կարիճ՝ «հզոր»

Կարիճն արագ է, ինտենսիվ, անվախ: Նա ոչինչ կիսատ չի անում: Կարիճն իրեն անմնացորդ գործին է նվիրում, իսկ նրա՝ էներգիայով լի գործողությունները հզոր արձագանք են գտնում շրջապատի մոտ: Կարիճը կենսական ուժերի հսկայական պաշար ունի, նա կարող է անսպասելիորեն մի կողմ թողնել այն, ինչի ուղղությամբ գնում էր տարիներ շարունակ, ու բոլորովին այլ ուղի ընտրել, քանի որ սիրտն է այդպես պահանջում: Նա չի ենթարկվում հասարակության կարծրատիպերին, նրա համար միեւնույն է, թե ինչ կասեն իր մասին: Կարիճն ինքնավստահ է, սիրում է հզոր տպավորություն թողնել մարդկանց վրա:

Աղեղնավոր՝ «հեղինակավոր»

Հեղինակությունն իրավունք է տալիս խորհուրդներ տալ, որին մարդիկ կհետեւեն, իսկ Աղեղնավորներն ուրիշներին դեպի ճշմարիտ ուղի ուղղորդելու վարպետ են: Աղեղնավորը ձգտում է հեղինակավոր անձ դառնալ, ընդ որում՝ ոչ թե հանուն իշխանության, այլ հասարակության կողմից հարգանքի: Աղեղնավորին դուր է գալիս, երբ իրեն հարգում են եւ ցանկացած հարցով իր հետ խորհրդակցում: Աղեղնավորը ձգտում է անընդհատ զարգանալ եւ ընդլայնել աշխարհայացքը, որպեսզի իրավունք ունենա դաստիարակել մարդկանց: Աղեղնավորը սովորում է հայտնի ուսուցիչներից եւ ընդունում է միայն հեղինակավոր աղբյուրների տեղեկությունները:

Այծեղջյուր՝ «դիրք»

Այծեղջյուրը կնայի մարդու մեքենային եւ արագորեն կգնահատի նրա ֆինանսական դրությունը: Նրա համար կարեւոր են դիպլոմները, պարգեւները, մասնագիտական ձեռքբերումները: Այծեղջյուրն իր ձեռքբերումների օգնությամբ հաստատում է իր դիրքը: Այծեղջյուրի համար կարեւոր է իրեն «անհատականություն», ինչ-որ նշանակալի բան անող զգալ: Այծեղջյուրին ասեք, որ անփոխարինելի աշխատող է, հրաշալի վաստակող, հավատարիմ ընկեր: Եվ, ամենակարեւորը, միշտ նրան հասկացրեք, որ այն, ինչ անում է, կարեւոր ու արժեքավոր է: Այծեղջյուրի համար աշխատանքն առաջին տեղում է:

Ջրհոս՝ «օրիգինալ»

Ջրհոսները սիրում են աչքի ընկնել եւ նման չլինել ուրիշներին, նրանք ոչ ստանդարտ են գործում եւ ցանկացած գործում ստեղծարար մոտեցում են ցուցաբերում: Ընդ որում՝ նրանց դա դյուրությամբ է հաջողվում, քանի որ Ջրհոսները հասկանում են, որ ցանկացած հանճարեղ բան պարզ է: Եթե չեք կարողանում գլուխ հանել բարդ խնդրից, դիմեք Ջրհոսին, նա պարզ եւ ինքնատիպ ելք կառաջարկի: Ջրհոսն այն մարդն է, որը տեսնում է բաց պատուհանը, երբ դուք ճանճի պես անընդհատ բախվում եք ապակուն: «Օրիգինալ» բառն օրենքով Ջրհոսին է պատկանում:

Ձկներ՝ «հեքիաթային»

Ձկները հարուստ երեւակայություն ունեն: Նրանք սեփական արտասովոր աշխարհն ունեն, որտեղ հրաշքներն իրականություն են, երազանքները դյուրությամբ իրականանում են: Ձկները ստեղծագործ եւ ոգեշնչող նշան են: Նրանց առաջնորդում է Նեպտունը՝ բարձրագույն աներկբա սիրո մոլորակը: Ձեր գլխում ինչպիսի աշխարհ ստեղծեք, այնպիսին այն կլինի իրականում: Չէ՞ որ ժամանակին մարդիկ չէին հավատում, որ օդանավերը կարող են թռչել, իսկ երկաթը՝ լողալ ջրի վրա: Այնպես որ՝ միանգամայն իրական է կյանքը հեքիաթային դարձնել, եթե շատ ես ուզում ու հավատում ես դրան: