Ո՞վ է հարաբերություններում կիրք փնտրում, իսկ ո՞ւմ համար է կարևոր հանգստությունն ու ընտանեկան անդորրը։ Ներկայացնում ենք աստղաբան Վերա Խուբելաշվիլիի մեկնաբանությունները՝ Կենդանդակերպի յուրաքանչյուր նշանի համար։
Խոյեր: Խոյի հետ կյանքն անվերջ դիմադրություն է, կենցաղային մարտեր, որոնց ամբողջ էությունը կայանում է նրանում, որ ցույց տա, որ Խոյը շարունակում է մնալ ամենաուժեղն ու ամենաարժանավորը։ Եթե ձեր երկրորդ կեսը Խոյ է, դուք պետք է թույլ տաք նրան անընդհատ ապացուցել դա՝ նույնիսկ հատուկ արհեստական իրավիճակներ ստեղծելով։
Ցուլեր: Ի տարբերություն Խոյերի, Ցուլերը միշտ կայունության, հավասարակշռության և հուսալիության կարիք ունեն։ Նրանք չեն սիրում փոփոխություններ, սկանդալներ, հարաբերություններում անորոշություններ։ Եթե զուգընկերներից մեկը Ցուլ է, նա երջանիկ կլինի, եթե օգնեն իրեն տունն ու միությունը կայունության և հանգստության կղզյակի վերածել։
Երկվորյակներ: Երկվորյակները չեն սիրում նստել մի տեղում, անընդհատ ինչ–որ բանով զբաղված են և բացարձակ չեն սիրում արգելքներ կամ զգուշացումներ։ Այնուամենայնիվ, նրանք ցանկանում են, որ իրենց զուգընկերը խնամակալի, պահապան հրեշտակի դեր ստանձնի իրենց նկատմամբ։ Երկվորյակի համար կարևոր է զգալը, որ իրենց աջակցում են պաշտպանում են։
Խեցգետին: Խեցգետինները միշտ զուգընկերոջ անկեղծության, հոգատարության և զգացմունքայնության կարիքն ունեն։ Բայց սրա հետ մեկտեղ, նրանք նաև կարիք ունեն այս նույն հոգատարությունը ցուցաբերել իրենց կեսի նկատմամբ։ Խեցգետնի համար կարևոր է, որ զուգընկերը երախտագիտությմբ ընդունի իր հոգատարությունն ու գնահատի դա։ Միայն այս ամենը զգալով Խեցգետինը կարող է երջանիկ լինել ընտանեկան կյանքում։
Առյուծներ: Առյուծներին կարելի է էսթեթներ և պերֆեկցիոնիստներ անվանել։ Նրանք մշտապես կատարելության են ձգտում, որպեսզի շրջապատող մարդիկ հիանան իրենցով։ Բայց դա դեռ ամենը չէ. Առյուծը պետք է իմանա, որ իր երկրորդ կեսն էլ, ինչպես և ինքը, ձգտում է կատարելության։
Կույսեր: Կույսերի հետ բավական հեշտ է։ Կույսերը պրակտիկ են և շրջահայաց, նրանք անիմաստ են համարում մտածածը չարտահայտելը, նրանք երբեք այս ու այն կողմ չեն ընկնում, այլ միանգամից ասում են այն, ինչ մտածում են։ Սակայն դա էլ երբեմն խանգարում է նրանց։ Քանի որ ոչ բոլորն են պատրաստ լսել ճշմարտությունը։ Ամեն դեպքում Կույսերի հետ շփումների համար ոչ մի հատուկ ուղեցույց պետք չէ, ամեն ինչ շատ հեշտ ու պարզ է։
Կշեռք: Կշեռքի համար հարաբերություններում ամենակարևորը հենց հարաբերություններն են, դրանց հաջողությունը։ Կշեռքի հետ շատ հեշտ է լեզու գտնելը, եթե դիմացինը նույնպես շահագրգռված է, որ միությունը երջանիկ լինի։ Միակ բանը որ պահանջվում է Կշեռքի զուգընկերոջից՝ երկխոսության համար բաց լինելն է և զիջումների գնալու ունակությունը։
Կարիճ: Կարիճի համար իդեալական զուգընկերը նա է, որը չի թողնի նրան ձանձրանալ, չի թողնի առանց ուշադրության, չի դավաճանի և ոչ մի հարցում չի մերժի նրան։ Իհարկե, այս ամենը շատ վերացական է հնչում ու բարդ, բայց ցավոք, Կարիճի հետ հարաբերությունները զուր չէ, որ ամենաբարդն են համարվում։
Աղեղնավոր: Աղեղնավորները ռոմանտիկ և ոչ կայուն խառնվածք ունեն։ Եթե դուք հետաքրքիր մարդ եք, պատրաստ եք միշտ զարմացնել, ձեր մեջ անընդհատ նոր որակներ բացահայտելով, համաձայնելով համատեղ գործարքների և հագեցնելով կյանքը ամենաանսպասելի իրադարձություններով, ապա Աղեղնավորի հետ հարաբերություններում խնդիրներ չեք ունենա։ Պետք է միայն հիշել, որ Աղեղնավորին առաջին հերթին լավ ընկեր է անհրաժեշտ՝ ի դեմս իր երկրորդ կեսի, հետո նոր մնացածը։
Այծեղջյուրներ: Կույսերի պես Այծեղջյուրներն էլ շատ պրակտիկ են։ Դժվար է նրանց խաբելը ռոմանտիկ հեքիաթներով, Այծեղջյուրը գնահատում է կոնկրետությունը։ Նա պարզ և հստակ պատասխաններ է պահանջում իր դիմացինից։ Թերևս չոր է հնչում, բայց այդպիսին է Այծեղջյուրի բնույթը։
Ջրհոս: Ջրհոսն առաջին հերթին գնահատում է այն հարաբերությունները, որոնց բարեկեցության համար պատասխանատվությունն իրենց վրա է դրված։ Այլ խոսքերով ասած՝ որքան շատ բան է անում Ջրհոսը հարաբերությունների համար, այնքան ավելի է մեծանում այդ միության արժեքն իր համար։ Չկա ավելի վատ իրավիճակ, քան այն, երբ Ջրհոսը ամեն բան պատրաստի է ստանում և ձեռքերը ծալած նստում է։ Այդ դեպքում նա շատ արագ հիասթափվում է և սկսում է ձանձրանալ։
Ձուկ: Ձկներին հասկանալը դժվար է և հարաբերություններում նրանց պահանջներն էլ շատ հակասական են։ Ամեն դեպքում մի քանի ընդհանուր գծեր կարելի է առանձնացնել. քանի որ Ձուկը շատ հարուստ ներաշխարհ ունի, հարաբերություններում նա փնտրում է ոչ թե մեկին, ում հետ ռոմանտիկ միություն կկազմի, այլ լավ կազմակերպչի, որը կկարողանա ապահովել իրենց հոգեպես հարուստ անհատականության հարմարավետությունը։
