Իշխանությունը որոշել է երկարաձգել Հայաստանում սահմանված արտակարգ դրության ռեժիմը։ Կառավարությունն արտահերթ նիստ կանցկացնի։
«Վաղը տեղի կունենա կառավարության արտահերթ նիստ, որտեղ որոշում կկայացնենք արտակարգ դրությունը ևս մեկ ամսով երկարաձգելու մասին»,– ասաց նա։
Վարչապետի խոսքով` այդ քայլին կգնան, որովհետև այն պայմանները, որոնց պատճառով երկրում արտակարգ դրություն էր հայտարարվել, վերացված չեն։ Կառավարության նիստից հետո տեղի կունենա ԱԺ հատուկ նիստ։
Արհեստական շնչառության սարք
Հայաստանում կորոնավիրուսից ևս 18 մարդ է մահացել. ամենաերիտասարդը 58 տարեկան է
«Այնտեղ կքննարկենք արածի, չարածի վերաբերյալ մանրամասները և մեր անելիքները»,- նշեց Փաշինյանը։
Նա հիշեցրեց, որ այսօր մեր վարքագծով գծագրում, որոշում ենք, թե 7-14 օր հետո մեր երկրում վարակի քանի նոր դեպք կգրանցվի, քանի որ հենց այդքան է վարակի թաքնված՝ ինկուբացիոն շրջանը։ Նրա խոսքով՝ այսօր արձանագրված վարակակիրների նոր թիվը ցույց է տալիս, թե ինչպես ենք մենք հետևել հակահամաճարակային կանոններին 7-14 օր առաջ։
Վարչապետը վստահ է՝ եթե կանոնները պահպանվեն, ապա նոր դեպքերը կզրոյացվեն։
Հայաստանում կորոնավիրուսով վարակվածների թիվը վերջին մեկ օրում ավելացել է 566–ով և հասել 14669–ի։
Հիշեցնենք` մարտի 16–ից Հայաստանում արտակարգ դրություն է։ ՀՀ կառավարությունը մայիսի 14–ի նիստում որոշեց կորոնավիրուսի կանխարգելման նպատակով հայտարարված արտակարգ դրությունը երկարացնել ևս մեկ ամսով։ Այն պետք է ավարտվեր հունիսի 13–ին։
Հունիսի 4-ից արտակարգ դրության ընթացքում կիրառվող կարգավորումներում փոփոխություններ և լրացումներ են ուժի մեջ մտել։ Այսուհետ բոլոր հանրային բաց տարածքներում դիմակ դնելը պարտադիր է։ Հանրային բաց վայրերում դիմակ կարող են չդնել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։
Հենրիխ Մխիթարյան․ Անմոռանալի մրցաշրջան է 
