Վերջին օրերին Մարգարիտա Սիմոնյանի կողմից արված հակահայկան գրառումներից հետո սոցցանցերի հայ օգտատերերը ակտիվ քննադատում են վերջինիս:
Իսկ երեկ արած գրառումից հետո Ֆեյսբուքի հայ օգտատերերը տարածում են Մարգարիտա
Սիմոնյանի հետ կատարված միջադեպի մանրամասները, որտեղ վերջինս խոստովանում է, թե ինչպես են թքել իր դեմքին:
Այս մասին ռուսական RT հեռուստաընկերության գլխավոր խմբագիրը հայտնել է տելեգրամի իր էջում։
Լրագրողը պատմել է մոսկովյան ռեստորանում ընկերոջ հետ հանդիպելու ուղևորության մասին`
2000-ականների կեսերին RT- ի գլխավոր խմբագիր դառնալու առաջարկը ստանալու հաջորդ օրը:
Ինչպես գրում է Սիմոնյանը, նա ուղևորվել է հաստատություն Volkswagen-ով, որն այդ ժամանակ նրան նվիրել էր երիտասարդ զուգընկերը:
Կանգնելով լուսացույցի տակ՝ Սիմոնյանը նկատել է, որ ինչ-որ տղամարդ ձեռքերի շարժումներով նրան խնդրում է իջեցնել պատուհանը։
Մեքենայի պատուհանն իջեցնելուց հետո տղամարդն անմիջապես թքել է ուղիղ Մարգարիտա Սիմոնյանի դեմքին։