Ինչպես հայտնի է, արցախյան զորամասերի զինվորները վերադառնում են տասնօրյա հանգստի, արձակուրդի: Քանի որ նրանք անց են կացրել դժվարագույն երկու ամիս, ուստի այս օրերին նրանց հանգիստը, որ պահանջել են նրանց ծնողները, միանգամայն տեղին է և ճիշտ:

Դեռ երեկոյից բազմաթիվ նկարահանված նյութեր են տեղադրվում, որոնցում երևում են, թե ինչպիսի հուզմունքով են մեր զինվորներին դիմավորում հարազատները: Ուշագրավ է, որ զինվորներին մեծ սիրով դիմավորում են ոչ միայն հարազատները, այլ նաև բոլորովին անծանոթ մարդիկ:

Ստորև մի անչափ հուզիչ տեսանյութ ենք ներկայացնում, որն իր սոցհարթակում տեղադրել է Անժելա Բարխուդարյանը: Տեսանյութի մեջ երևում է, թե ինչպես է զինվոր որդին տուն վերադառնում, ինչ հուզմունքով են նրան դիմավորում մայրը և մյուս հարազատները:

Հուզված մայրը երկար ժամանակ չի կարողանում կտրվել սիրելի որդուց: Այս հուզիչ տեսանյութը, որն անհնար է առանց արցունքների նայել, ներկայացնում ենք ստորև: