Եվրոպայի խորհրդի խորհրդարանական վեհաժողովը բանաձև է ընդունել ԼՂ հակամարտության վերաբերյալ։ Բանաձևում մասնավորապես նշվում է, որ Ադրբեջանն ու Հայաստանը պետք է զերծ մնան այնպիսի հռետորաբանությունից, որը կխանգարի քաղաքական երկխոսությանը։ Գրում է ТАСС-ը:
«Կողմերը պետք է հնարավորինս արագ իրականացնեն եռակողմ համաձայնագրի դրույթները»,- ասված է բանաձևում։
Բացի այդ, կոչ է արվում Երևանին ու Բաքվին «հնարավորինս արագ իրականացնել 2020թ. նոյեմբերի 9-ի եռակողմ հայտարարության դրույթները, որոնք վերաբերում են մարդասիրական հարցերին»:
ԵԽԽՎ-ն առաջարկում է «անհապաղ անցնել ռազմագերիների փոխանակմանը, հարգել մշակութային ժառանգությունը, զերծ մնալ այնպիսի հռետորաբանությունից, որը կխանգարի քաղաքական երկխոսությանը... Ցանկացած տեսակի խախտումներ պետք է վերացվեն, իսկ մեղավորները՝ պատասխանատվության ենթարկվեն»,- ասված է հայտարարության մեջ:
Նիկոլ Փաշինյանն ու իշխանական թիմը այցելել են Հայոց ցեղասպանության հուշահամալիր (ֆոտո) 
