Քիչ անց «Էրեբունի» օդանավակայանում Բաքվից վայրէջք է կատարելու հայ գերիներ տեղափոխող հերթական ինքնաթիռը։ Մեր տեղեկություններով՝ ինքնաթիռում են գտնվում 5 հայ ռազմագերիներ։ Բանակցությունները շատ ծանր են եղել, նախապես 20 հոգու մասին է խոսք գնացել, բայց վերադարձվել է 5 հոգի: Այս պահին ինքնաթիռը թռիչքուղու վրա է:

Նշենք, որ բանակցությունները վարել է Ռուսաստանի խաղաղապահ ուժերի հրամանատար, գեներալ-լեյտենանտ Ռուստամ Մուրադովը: Օդանավակայանի տարածքը մարդաշատ է, հավաքվածները հույս ունեն, որ իրենց որդիները ևս ինքնաթիռում են։

Հիշեցնենք, որ հունվարի 28-ին նույնպես Բաքվից գերիներ տեղափոխող ինքնաթիռ էր ժամանել, նախորդ անգամ վերադարձել էին 62 շիրակցի գերավարվածներից 5-ը։