Առաջին նախագահ Լեուն Տեր-Պետրոսյանն, անդրադառնալով Վազգեն Մանուկյանի՝ քաղաքական ճգնաժամի լուծման երեք տարբերակներին, առաջարկել է չորրորդը։ Այդ տարբերակը ներառում է տարօրինակ մի տարր. վարչապետի «անհապաղ եւ ինքնակամ հրաժարական եւ Ազգային ժողովի կողմից անձեռնմխելիության իրավական երաշխիքների ապահովմամբ, նրա, թեկուզ ժամանակավոր, ապաստանում արտերկրում»:
Արդյոք Տեր-Պետրոսյանը վտանգ է տեսնում Նիկոլ Փաշինյանի համար, եթե մոտ ժամանակներս նա մնա Հայաստանում։ Կա՞ն կոնկրետ մարդիկ կամ ուժեր, որոնք սպառնում են Փաշինյանի կյանքին եւ անվտանգությանը։
Դա իրոք նոր տարր է Հայաստանի ներքին կյանքում։ Ինքը՝ Լեւոն Տեր-Պետրոսյանը 1997-ի հրաժարականից հեոո ոչ մի վտանգի չի ենթարկվել, 10 տարի հանգիստ ապրել է ու հետո նույնիսկ մասնակցել է ընտրություններին։ Ռոբերտ Քոչարյանն ու Սերժ Սարգսյանն էլ հրաժարականից հետո հանգիստ ապրում են Հայաստանում, ապաստան էլ չեն խնդրում այլ երկրներում, ավելին՝ քաղաքական գործընթացների մեջ են։ Նույնիսկ քրեական հետապնդման դեպքում Քոչարյանն ու Սարգսյանը չեն թողել երկիրը։
Ինչո՞ւ է Տեր-Պետրոսյանը Փաշինյանին «խորհուրդ տալիս» ապաստանել այլ երկրում։ Որպեսզի նա չմասնակցի՞ ընտրություններին։ Թե՞ ամեն ինչ ավելի լուրջ է, եւ Տեր-Պետրոսյանին ինչ-որ բան է հայտնի։ Ի դեպ, ո՞ր երկրում կարող է Փաշինյանը ապաստանել, ըստ առաջին նախագահի։
«Այդ պարագայում վարչապետի պարտականությունները պետք է դրվեն անկուսակցական փոխվարչապետի վրա, որն իր չեզոքության հանգամանքով ունակ է ապահովելու արդար ընտրությունների անցկացումը», կարծում է Տեր-Պետրոսյանը: Նա նկատի ունի Մհեր Գրիգորյանի՞ն, որը պատրաստվում է հերթական անգամ մեկնել Մոսկվա։
Կայծակը հարվածել է Աբու Դաբիից Երևան թռչող ինքնաթիռին, դիմապակին վնասվել է, խուճապ է սկսվել 
