ԱՄՆ կողմից Հայոց ցեղասպանությունը ճանաչելու կապակցությամբ Թուրքիայում ԱՄՆ դեսպանատներն ու հյուպատոսությունները հայտարարել են, որ կփակվեն երկուշաբթի եւ երեքշաբթի օրերին հնարավոր բողոքի ցույցերի պատճառով, գրում է ՌԻԱ Նովոստի-ն:

«Ցույցեր կամ հանրահավաքներ կարող են կազմակերպվել ապրիլի 24-ին Սպիտակ տան հայտարարությունից հետո՝ ի հիշատակ Օսմանյան դարաշրջանում Ցեղասպանության ժամանակ զոհվածների: Որպես նախազգուշական միջոց՝ Անկարայում ԱՄՆ դեսպանատունը, Ստամբուլում ԱՄՆ գլխավոր հյուպատոսությունը, Ադանում ԱՄՆ հյուպատոսությունը եւ Իզմիրում ԱՄՆ հյուպատոսական գործակալությունը փակ կլինեն ամենօրյա սպասարկման եւ ԱՄՆ քաղաքացիներին վիզաների հարցերով աջակցության համար երկուաբթի՝ ապրիլի 26-ին, եւ երեքշաբթի՝ ապրիլի 27-ից»,-ասված է մամուլի հաղորդագրության մեջ:


Արտակարգ աջակցության կարիք ունեցող ԱՄՆ քաղաքացիներին խորհուրդ է տրվում կապ հաստատել դիվավագիտական կառույցների հետ հեռախոսակապի կամ էլեկտրոնային փոստի միջոցով: Դիվանագիտական հաստատություններից նաեւ խորհուրդ են տվել ԱՄՆ քաղաքացիներին խուսափել ԱՄՆ կառավարական շենքերի շուրջ տարածքներից եւ «ցուցաբերել բարձր զգուշավորություն վայրերում, որտեղ կարող են հավաքվել ամերիկացիներ կամ օտարերկրացիներ»: