«Առանց Թուրքիայի՝ ՆԱՏՕ-ի համար դժվար կլինի պահպանել ոչ միայն իր ուժն, այլև իր գոյությունը։ Թուրքիան ամբողջությամբ կատարում է դաշինքի առջև ստանձնած պարտավորությունները։ Նա ընդունում է ՆԱՏՕ-ի պահպանման կարևորությունը, չնայած նրան, որ մենակ էր մնացել այն ժամանակ, երբ իրեն ամենից շատ աջակցություն էր հարկավոր»,- հայտարարել է Էրդողանը՝ մեկնաբանելով հունիսի 14-ին Բրյուսելում կայացած ՆԱՏՕ-ի գագաթնաժողովի արդյունքները:
Նրա խոսքով՝ տարածաշրջանային ճգնաժամերում՝ «Իրաքից մինչև Սիրիա, Պաղեստինից մինչև Լիբիա, ՆԱՏՕ-ն չի կարողացել ուժեղ կամք դրսևորել, որն ակնկալվում է նրանից»:
«Գագաթնաժողովի ընթացքում՝ բանակցությունների ժամանակ մենք ևս մեկ անգամ նշել ենք, որ «վատ ահաբեկիչներ-լավ ահաբեկիչներ» հասկացողությունը սխալ է»,- նշել է Էրդողանը՝ հավելելով, որ ակնկալում է ՆԱՏՕ-ի «ավելի անկեղծ և ուժեղ ներդրումը» Թուրքիայում արգելված «Քրդստանի բանվորական կուսակցության» դեմ պայքարում:
«Առանց Թուրքիայի` ՆԱՏՕ-ին դժվար կլինի պահպանել ոչ միայն իր ուժը, այլև՝ գոյությունը»․ Էրդողան
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
