Հայաստան-Իրան միջպետական ավտոճանապարհին թշնամու ոստիկանականական կետի տեղակայումը և իրանցի վարորդներից «տուրք» հավաքելը ոչ միայն քաղաքական սադրանք է, ավազակների ասպատակություն, այլեւ պետության և «պողպատե մանդատի» արդյունավետության ցուցիչ:
Հայաստանի դեմ կա բացահայտ ագրեսիա, և կառավարությունը դեռ քաղաքական գնահատական չի տվել կատարվածին: ԱԳՆ անատամ հայտարարությանը չհաջորդեցին բողոքի նոտաներ և միջազգային կառույցներին ուղղված կոչեր: ԱԳՆ-ն չի հրավիրել օտարերկրյա պետությունների դեսպաններին և չի հայտարարել, որ Հայաստանը պատրաստ է օրինական ուժ կիրառել իր տարածքային ամբողջականությունը պաշտպանելու համար:
Նախագահը և վարչապետը, ովքեր պետության տարածքային ամբողջականության և անվտանգության սահմանադրական երաշխավորներն են, շարունակում են հանգիստ խղճով աշխատավարձ ստանալ իրենց պարտավորություններից հրաժարվելու դիմաց և օգտվել պետական պահպանությունից ու այլ արտոնություններից:
Հայ հասարակությունը, որը սովոր է հին «գազելներում» կռացած կանգնելուն, պատրաստ է կուլ տալ նաև այս հարվածը: