ԱՄՆ-ում երրորդ կուսակցություն կհայտնվի, որը մտադիր են ստեղծել նախկին հանրապետականներն ու դեմոկրատները՝ միլիոնավոր ընտրողներին դիմելու համար, ովքեր, նրանց կարծիքով, մտահոգված են Ամերիկայի երկկուսակցական անգործունակ համակարգի կապակցությամբ:
«Առաջ» անվանումով նոր կուսակցությունը կգլխավորեն Դեմոկրատական կուսակցության նախագահի նախկին թեկնածու Էնդրյու Յանգը եւ Նյու Ջերսիի հանրապետական նախկին նահանգապետ Քրիստին Թոդ Ուիթմանը: Նրանք հուսով են, որ կուսակցությունը կենսունակ այլընտրանք կդառնա հանրապետական եւ դեմոկրատական կուսակցություններին, որոնք գերիշխում են ԱՄՆ քաղաքականության մեջ, հաղորդում է Reuters-ը:
Այս աշնանը կուսակցության առաջնորդները մի շարք միջոցառումներ կանցկացնեն երկու տասնյակ քաղաքներում՝ իրենց պլատֆորմը տարածելու եւ աջակցություն ստանալու համար: Նրանք սեպտեմբերի 24-ին Հյուսթոնում պաշտոնական բացում կանցկացնեն, իսկ հաջորդ ամառ՝ կուսակցության առաջին ազգային համագումարն ԱՄՆ-ի խոշոր քաղաքներից մեկում:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
