ԱՄՆ-ում Չինաստանի դեսպան Քին Գանգը CNN-ին ասել է, որ իր երկրի պատասխանը ԱՄՆ Ներկայացուցիչների պալատի խոսնակ Նենսի Փելոսիի՝ Թայվան կատարած այցին ուժեղ և հզոր կլինի։

«Մենք պատրաստվում ենք ձեռնարկել բոլոր հնարավոր միջոցները՝ պաշտպանելու մեր ինքնիշխանությունն ու տարածքային ամբողջականությունը, և մեր պատասխանը կլինի շատ ամուր, ուժեղ և հզոր», - ասել է Գանը։ Դիվանագետը նշել է, որ ամերիկյան իսթեբլիշմենթի բարձրագույն էշելոնի ներկայացուցչի այցը Թայվան կհանգեցնի տարածաշրջանում լարվածության սրման։

«Նրա այցը ցանկացած ձևով և ցանկացած ժամանակ իր պաշտոնավարման ընթացքում չափազանց ցավոտ քաղաքական արձագանք է և կհանգեցնի լարվածության սրմանը Թայվանի նեղուցում և ԱՄՆ-ի և Չինաստանի հարաբերություններում»,- ասել է Գանգը: