Օգոստոսի 23-ին Երեւանի Հանրապետության հրապարակում մեկնարկեց ՀՀ վարչապետ Նիկոլ Փաշինյանի հրաժարականի պահանջով հանրահավաքը։
Հանրահավաքի մասին օգոստոսի 10-ին հայտարարել էր Լեհաստանում Հայաստանի նախկին դեսպան, Սահմանադրական դատարանի աշխատակազմի նախկին ղեկավար Էդգար Ղազարյանը, ով հայտարարեց Անկախության շարժման ստեղծման մասին։
Ըստ պլանի՝ սեպտեմբերի 21-ին Փաշինյանը պետք է հեռանա՝ կա՛մ ինքնուրույն, կա՛մ իրավական գործընթացի նախաձեռնման, կա՛մ ԱԺ 1/3-ի կողմից վարչապետին անվստահություն հայտնելու միջոցով։
Նախկին դեսպանը հավանական համարեց, որ իշխանական պատգամավորներն իրենք անվստահություն կհայտնեն Փաշինյանին։ Ղազարյանը հայտարարեց երեք հանրահավաք անցկացնելու պլանների մասի։ Առաջինը տեղի կունենա օգոստոսի 23-ին, երկրորդը՝ սեպտեմբերի 2-ին, դա Դիմադրության շարժման հանրահավաքն է, երրորդը՝ սեպտեմբերի 21-ին՝ խորհրդարանի բակում Փաշինյանի հրաժարականի նախաձեռնության քննարկման ժամանակ։
Այդ ժամանակ նա վստահեցրեց, որ նոր շարժումը Դիմադրության շարժման հետ կապ չունի։ Նրա խոսքով՝ նոր շարժումը չի հակադրվում այն գործողություններին, որոնք կիրականացնեն Դիմադրության շարժման գործընկերները։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
