Թուրքիայի նախագահ Թայիփ Էրդողանը հայտարարել է, որ Հունաստանի վարչապետ Կիրիակոս Միցոտակիսն օգնություն է խնդրում ԱՄՆ-ից Անկարային դիմակայելու հարցում։ Նրա խոսքով՝ թուրքական կառավարությունն ամեն ինչ կանի ազգային շահերը պաշտպանելու համար, հայտնում է Անատոլիական գործակալությունը։
Միցոտակիսը պատրաստ է այս շաբաթ Պրահայում հանդիպել Էրդողանի հետ, ավելի վաղ հայտնել էր Kathimerini-ն՝ վկայակոչելով Հունաստանի կառավարության ներկայացուցիչ Իոաննիս Իկոնոմային։
Թուրքիայի ղեկավարը, ելույթ ունենալով Անկարայի Գաջի Բայրամ Վելի համալսարանի Կոնգրես կենտրոնում, հայտարարել է հույն զինվորականների գործողությունների մասին, որոնք, նրա խոսքով, թողնում են միգրանտներին մահանալ Էգեյան եւ Միջերկրական ծովերի մեջտեղում։
«Ցավոք, աշխարհը լռում է՝ նախընտրելով չտեսնել այդ մարդկանց ողբերգությունը։ Ընդ որում, Հունաստանի վարչապետն օգնություն է խնդրում ԱՄՆ-ից։ Ո՞ւմ դեմ։ Թուրքիայի դեմ։ Ինչ քայլ էլ որ ձեռնարկվի Աթենքում, Անկարան կանի անհրաժեշտ ամեն բան իր ազգային շահերի համար»,- հայտարարել է Էրդողանը։
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
