Մրցավազք Սպիտակ տան համար 2024 թվականին․ Սպիտակ տանը շարունակում են աշխատել կենսաթոշակային տարիքի մարդիկ՝ չնայած նրան, որ ԱՄՆ-ն երիտասարդության ջատագովն է, գրում է Reuters-ը:

Ռոնալդ Ռեյգանը 77 տարեկան էր, երբ լքեց Սպիտակ տունը։ Նախագահ Ջո Բայդենը, որը նոյեմբերի 20-ին դառնում է 80 տարեկան, երկրորդ քառամյա ժամկետի ավարտին կլինի 86 տարեկան, եթե նա հաղթի: Նրա գլխավոր պոտենցիալ հանրապետական մրցակից Դոնալդ Թրամփը կլինի 82 տարեկան, երբ նա կլքի իր պաշտոնը՝ 2024 թվականին հաղթելու դեպքում։


Կանխատեսվում է, որ 65 տարեկան եւ դրանցի բարձր տարիքի բնակչությունը գրեթե կկրկնապատկվի ՝ 2018 թվականի 52 միլիոնից մինչեւ 95 միլիոն մինչեւ 2060 թվականը: Մինչեւ 2026 թվականը 65 տարեկանից բարձր յուրաքանչյուր չորրորդ տղամարդ դեռ կաշխատի։ Այնուամենայնիվ, որոշ ամերիկացիներ մտահոգված են 2024 թվականին երկու ամենահավանական թեկնածուների տարիքով։ Ըստ Reuters-ի հարցմամբ՝ դեմոկրատների 71 տոկոսը կարծում է, որ Բայդենը կարող է հաղթահարել դժվարությունները, 46 տոկոսն ասում է, որ նա չի առաջադրվի 2024 թվականին: Հանրապետականների մոտ մեկ քառորդը՝ 26 տոկոս, կարծում է, որ Թրամփը կարող է մինչեւ 2024 թվականը չապրել իր տարիքի պատճառով: Մի կողմ թողնելով քաղաքական պատկանելիությունը՝ հարցվածների 68 տոկոսը կարծում է, որ Բայդենը կարող է երկու տարի անց չկարողանալ ընդունել մարտահրավերը, իսկ 49 տոկոսը նույնն է ասում Թրամփի մասին: Հարցումը ցույց է տվել, որ ամերիկացիների մոտ 86 տոկոսը կարծում է, որ նախագահի պաշտոնում ընտրվելու շեմը պետք է լինի 75 տարեկանը կամ ավելի երիտասարդ: Բայդենի պարբերաբար սայթաքումները, սցենարից շեղվելու հակումները նրա հանրապետական քննադատների կողմից ընկալվել են որպես ապացույց, որ նա չափազանց ծեր է այս աշխատանքի համար:

Նրա կողմնակիցներն ասում են, որ նախագահը, որը հաղթահարել է մանկական կակազությունը, տասնամյակներ շարունակ իմպրովիզներ է կատարում հրապարակային ելույթներում։ Բայդենի երկրորդ ժամկետի հեռանկարը բարձրացել է այս շաբաթ, երբ դեմոկրատները ցույց տվեցին ավելի լավ արդյունքներ, քան սպասվում էր։

Բայդենի որոշ կողմնակիցներ ասում են, որ հիանում են Բայդենի օրոք դեմոկրատների հաջողություններով, բայց դեռ վստահ չեն հնարավոր հաջորդ ժամկետի վերաբերյալ: «Կարծում եմ, որ նա մեծ աշխատանք է կատարել իր ղեկավարման օրոք»,-ասում է Իլինոյսի բնակիչներից մեկը։

«Ինձ մտահոգում է այն, որ 80 տարեկանում ինչ-որ մեկը կզբաղեցնի նախագահի պաշտոնը։ Ես չեմ կարող մտածել ավելի պատասխանատու աշխատանքի մասին, քան այս մեկը»,-ասում է Նյու Յորքի 86-ամյա բնակչուհին։

Հեռացող Կոնգրեսն ԱՄՆ պատմության մեջ ամենահինը կլինի։ Ներկայացուցիչների պալատի խոսնակ Նենսի Փելոսին 82 տարեկան է: Սենատի հանրապետականների առաջնորդ Միթչ ՄքՔոնելը 80 տարեկան է: Ամերիկացիներին այս իրավիճակը միշտ չէ, որ դուր է գալիս։

Ըստ Reuters-ի հարցման՝ հարցվածների երկու երրորդը պաշտպանում է դաշնային պաշտոնյաների, այդ թվում ՝ նախագահի, Կոնգրեսի անդամների եւ Գերագույն դատարանի դատավորների համար տարիքային վերին շեմ սահմանելու գաղափարին։ Այնուամենայնիվ, Բայդենը նույնիսկ աշխարհի ամենածեր գործող ղեկավարների թոփ տասնյակում չէ, որում ներառված են Կամերունի 89-ամյա նախագահ Փոլ Բիյան, Դանիայի 82-ամյա թագուհի Մարգրեթեն։