Ամերիկացի քաղաքագետ Բարբարա Ուոլթերը կարծում է, որ չկարգավորված սոցիալական ցանցերը մեծացնում են քաղաքացիական պատերազմի վտանգը։

Լիբերալ ժողովրդավարության պայմաններում մարդիկ իրավունք ունեն հնչեցնել կարծիքներ, որոնք սխալ են, տգեղ ու երբեմն չար, եւ նրանք հաճախ այդպես էլ անում են: Բայց դա չի նշանակում, որ կորպորացիաներն իրավունք ունեն օգտագործել այս տեսակետները շահույթ ստանալու համար եւ դրանով նպաստել հասարակության պառակտմանը եւ վնաս հասցնել օրենքի գերակայությանը, ասել է Ուոլթերը, հաղորդում է Insider-ը:


«Ինչպես են սկսվում քաղաքացիական պատերազմները եւ ինչպես դադարեցնել դրանք» իր 2022 թվականի գրքում Սան Դիեգոյի Կալիֆոռնիայի համալսարանի պրոֆեսոր Բարբարա Ֆ. Ուոլթերը ժամանակակից սոցիալական ցանցերը նկարագրել է որպես բարօրություն «էթնիկ գործարարների» համար՝ նրանց համար, ովքեր տարակուսանք են առաջացնում գերիշխող խմբի շրջանում։

Մալայզիայում, օրինակ, նման դեմագոգները Facebook-ն օգտագործել են ռոհինջա փոքրամասնության դեմ ցեղասպանություն հրահրելու համար՝ նրանց ներկայացնելով որպես մարդասպաններ եւ բռնաբարողներ բովանդակության մեջ, որը վիրուսային է դարձել:

Ուոլթերի խոսքով՝ ԱՄՆ-ում ատելության արտահայտությունները հիմնականում պաշտպանված են Առաջին փոփոխությամբ։ Բայց նրա կարծիքով, տեխնոլոգիական ընկերությունները չեն գործում որպես թվային հանրային տարածքի պարզ, չեզոք կառավարիչներ: Նա համաձայն չէ, թե ինչպես են սոցիալական ցանցերը բովանդակություն խորհուրդ տալիս օգտատերերին եւ պահպանում դրանք:

Իր գրքում նա նշում է, որ «մարդիկ, որպես կանոն, սիրում են այն տեղեկությունը, որն ազդում է նրանց հույզերի վրա եւ, որպես կանոն, ինչն է նրանց զայրացնում, վրդովվում, վիրավորում: Եվ այն, ինչ անում են խորհրդատվությունների մեխանիզմները, ոչ միայն նույն տեսակի ավելի շատ նյութեր են խորհուրդ տալիս, այլ նույնիսկ ավելի ծայրահեղ բաներ»: