ՆԱՍԱ-ի տիեզերանավը լուսանկարել է X դասի ամենաուժեղ արեգակնային բռնկումը, որը կարճատև անջատում է առաջացրել Երկրի վրա: Այդ մասին գրում է Space-ը։
«Արեգակնային բռնկումները և պսակի զանգվածային արտանետումները կարող են ազդել Երկրի վրա ռադիոկապի, էլեկտրական ցանցերի և նավիգացիոն գործիքների վրա, ինչպես նաև առաջացնել գեոմագնիսական փոթորիկներ: Ինչ վերաբերում է Արեգակի վրա տվյալ բռնկմանը, ապա այդ իրադարձության արդյունքում միայն փոքր քանակությամբ պլազմա է պայթել տիեզերք, սակայն էներգիայի ուժեղ հոսքը, որը Երկիր է հասել հունվարի 6-ին 8 րոպեում, հանգեցրել է Խաղաղ օվկիանոսի հարավային մասում ռադիոկապի կարճատև անջատման», – նշել են գիտնականները:
Նրանք կանխատեսում են, որ այս արեգակնային բիծը կարող է մոտ ապագայում առաջացնել X դասի բռնկումների հերթական շարքը: Բայց արդեն հայտնի չէ, թե արդյոք դրանք կուղեկցվեն հսկայական պլազմայի արտանետումներով, որոնք կարող են է՛լ ավելի մեծ վնաս հասցնել մեր մոլորակին։
Նիկոլ Փաշինյանն ու իշխանական թիմը այցելել են Հայոց ցեղասպանության հուշահամալիր (ֆոտո) 
