Տաջիկստանի կենտրոնական ընտրական հանձնաժողովը հայտարարել է նոյեմբերի վեցին տեղի ունեցած երկրի նախագահի ընտրությունների քվեարկության նախնական տվյալները: Համաձայն այդ տվյալների ընտրություններում հաղթանակ է տարել գործող նախագահ Էմոմալի Ռահմոնին ձայների 83.6%-ով: Այս մասին հայտնում է Regnum գործակալությունը:
Նրան հետևում է Կոմունիստական կուսակցության նախագահի տեղակալ Իսմոիլ Տալբակովը 5% ձայնով:
ԿԸՀ-ի տվյալներով ընտրություններին մասնակցել է ընտրության իրավունք ունեցողների 86.6%-ը:
Իմոմալի Ռահմոնը իշխանության նախագահում է երկիրը սկսած 1990-ականներից: Նրա հերթական նախագահական շրջանը դառնալու է թվով չորորդը:
Տաջիկստանի սահմանադրության համաձայն միևնույն մարդը չի կարող ընտրվել երկրի նախագահ երկու շրջանից ավել, սակայն 2003 թվականին սահմանադրությունով մտցվեցին փոփոխություններ,որոնք վերաբերվում էին նախագահի ընտրությանը: Միաժամանակ հայտարարվել էր, որ սահմանադրության փոփոխությունների պատճառով նախագահական շրջանների հաշվարկը գործող նախագահի համար սկսվելու է սկզբից: Այսինքն փաստացիորեն 2006 թվականին Ռահմոնի երրորդ նախագահական շրջանը դարձավ առաջինը,իսկ սա լինելու է երկրորդ շրջանը: Բացի դա Ռահմոնի կառավարման ժամանակ մեկ նախագահական շրջանը տևողությունը երկարացվեց և հինգ տարուց դարձավ յոթ տարի:
Խուճապ էր, բոլորը լացում, գոռում էին. Աբու Դաբի-Երևան չվերթի կայծակնահարված օդանավի ուղեւորը մանրամասներ է պատմում 
