BBC գործակալությունը ներկայացրել է 1988 թվականի դեկտեմբերի 7-ին տեղի ունեցած երկրաշարժը լուսանկարներով:
1988 թվականի դեկտեմբերի 7-ին Հայաստանում տեղի ունեցած ավերիչ երկրաշարժի արդյունքում զոհվեց 25 հազար մարդ, 100,000-ը դարձան անօթևան:
Երկրաշարժի ժամանակ արձանագրվեց 6,8 մագնիտուդ հզորություն:
Միխայիլ Գորբաչովը հետաձգեց ԱՄՆ մեկնելը և ժամանեց Հայաստան, դեպքի վայր և խնդրեց միջազգային հանրությանը օժանդակություն տրամադրել Հայաստանին, որը խորհրդային ժամանակաշրջանում բացառիկ երևույթ էր:
25 հազար բնակչություն ունեցող Սպիտակ քաղաքը ամբողջությամբ ավերվեց:
Լենինական, Կիրովական և Ստեփանավան քաղաքները նույնպես խիստ տուժեցին: Հայաստանի երկրորդ քաղաք համարվող Լենինականը դեռևս չի վերականգնվել երկրաշարժից հետո:
Դագաղներ Սպիտակում: Երկրաշարժը տեղի ունեցավ առավոտյան ժամը 11:41, երբ երեխաների մեծ մասը գտնվում էին դպրոցներում, իսկ մեծերը աշխատանքի վայրերում:
Հայաստանում շատ քաղաքներում բազմահարկ շենքեր էին կառուցվել, որոնք չդիմացան երկրաշարժին:
Ավերվածությունների ծավալը հաստատեցին, որ շինարարության ժամանակ օգտագործված նյութը անորակ է եղել:
Խորհրդային Միությունը քննադատության ենթարկվեց միջազգային հանրության կողմից համակարգված աշխատանքի բացակայության և դանդաղի աշխատանքի պատճառով:
Երկրաշարժից փրկվածները երկար հերթ էին կանգնում հացի համար: Խորհրդային իշխանությունները հայտարարեցին, որ իրենց ծրագիր չունեն արտակարգ իրավիճակների համար:
Հայերը բեռնաթափում են ֆրանսիական հումանիտար «Բժիշկներ առանց սահմանների» կազմակերպությունից ստացած բժշկական ապրանքները: Խորհրդային իշխանությունները հայտարարել էին, որ իրենց անհրաժեշտ է արյան փոխանարկման և այլ բժշկական միջոցներ:
Երկրաշարժը տասնյակ հազարավոր մարդկանց անօթևան դարձրեց: Լենինականում և այլ բնակավայրերում առաջացան ժամանակավոր վրանային ճամբարներ: