Լավ է արել «Եվրատեսիլ-2016» երգի մրցույթում 7-րդ համարի ներքո հանդես եկող Հայաստանի մասնակից Իվետա Մուկուչյանը, որ ծածանել է Արցախի դրոշը, գուցե, հաջորդ անգամ էլ ծածանի Մեծ Հայքի կամ Արևմտյան Հայաստանի դրոշը: Այս մասին ՀՀԿ Գործադիր մարմնի նիստից հետո լրագրողների հետ զրույցում հայտարարեց ՀՀԿ խոսնակ, Աժ փոխնախագահ Էդուարդ Շարմազանովը` ի պատասխան հարցի, թե «ինչպե՞ս է նայում դրան»:
«Շատ լավ եմ նայում, շատ էլ ճիշտ է արել, գուցե, մի անգամ էլ Մեծ Հայքի ու Տիգրան Մեծի ժամանակաշրջանի Հայաստանի դրոշը ծածանի կամ Արևմտյան Հայաստանի»,-նշեց Էդուարդ Շարմազանովը:
Նշենք, որ Եվրոպական հեռարձակողների միությունը նախազգուշացրել էր Հայաստանին Արցախի դրոշը ծածանելու համար, որի կրկնության դեպքում, հայկական պատվիրակությանը կարող է սպառնալ որակազրկում:
Ի դեպ, լսելով, որ հարցը Եվրատեսիլի մասին է, Էդուարդ Շարմազանովը սկզբում առաջարկեց` «Եվրատեսիլի մասով` Աշոտյանին»:
Կան ուժեր, որոնք չեն ցանկանում ՀՀ սահմանների կայունությունը և անվտանգության մակարդակի բարձրացումը. Վլ. Վարդանյան 
