ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ հունվարի 28-ին՝ ժամը 17:00-ի դրությամբ, բքի և տեսանելիության բացակայության պատճառով փակ է Արթիկ-Արագած ճանապարհահատվածը:

Բքի, անբավարար տեսանելիության և առատ ձյան պատճառով փակ են նաև Վայք - Ջերմուկ, Բերդ - Ճամբարակ, Բագարան-Երվանդաշատ և Ջրաբեր-Ֆանտան ճանապարհները, Վարդենյաց և Սարավանի լեռնանցքները:
Վարորդներին խորհուրդ է տրվում խուսափել նշված ճանապարհերով երթևեկելուց: