ՌԴ Արտաքին գործերի նախարարությունում հաստատել են, որ գերատեսչության աշխատակիցը կնոջ ու երեխայի է սպանել։ Այս մասին ասվում է ՌԴ ԱԳՆ տեղեկության եւ կնիքի վարչության հաղորդագրությունում։

«Մեզ հայտի է ԱԳՆ աշխատակցի հետ կապված ողբերգության մասին։ Իրավապահ մարմինները պարզում են միջադեպի հանգամանքները», - նշել են վարչությունում։

Երկուշաբթի օրը՝ մայիսի 15-ին, Մոսկվայի Քննչական կոմիտեի ղեկավարը հայտնել է, որ անցյալ գիշեր Լենինի պողոտայում գտնվող բնակարանում հայտնաբերվել են կնոջ, փոքրիկ երեխայի ու տղամարդու մարմիններ՝ հրազենային վնասվածքներով։ Պարզվել է, որ կինը երեխայի հետ հյուրընկալվել է իր վաղեմի ծանոթի տանը։ Վերջինը որսորդական հրացանով նրանց ուղղությամբ առնվազն երկու անգամ կրակել է։ Մայր ու դուստր տեղում մահացել են, իսկ տղամարդն ինքնասպանություն է գործել։

Քրեական գործ է հարուցվել ՌԴ Քրեական օրենսգրքի 105-րդ հոդվածի 2-րդ մասով, հաղորդում է Lenta-ն։

Մինչեւ քննիչների պաշտոնական հայտարարությունը աղբյուրներն ասում էին, թե հանցագործը կարող է լինել ԱԳՆ աշխատակից, իսկ զոհերը՝ նրա կինն ու դուստրը։