«Փաստ» թերթը գրում է. Հունիսի 8–ին Շիրակի մարզպետի պաշտոնում նշանակված դաշնակցական Արթուր Խաչատրյանը մոտ մեկ ամիս առաջ Բարձրաստիճան պաշտոնատար անձանց էթիկայի հանձնաժողովին է ներկայացրել իր պաշտոնը ստանձնելու 2017 թ. հայտարարագիրը:

Խաչատրյանի հայտարարագրից տեղեկանում ենք, որ նրան է պատկանում երեք բնակարան եւ «INFINITI QX 4» մակնիշի ավտոմեքենան: Նրա դրամական միջոցները պաշտոնը ստանձնելու օրվա դրությամբ կազմել են 20 միլիոն դրամ եւ 4 հազար 500 ամերիկյան դոլար: Տարեսկզբից մինչեւ պաշտոնը ստանձնելու օրն ընկած ժամակահատվածում էլ ունեցել է 12 միլիոն 622 հազար դրամ եկամուտ, որից 3 միլիոն 122 հազար դրամը աշխատավարձն է, իսկ 9 միլիոն 500 հազար դրամը ստացված փոխառություններ՝ վարկեր:

Արթուր Խաչատրյանը 2016–2017 թթ. աշխատել է Տարածքային կառավարման եւ զարգացման նախարարությունում՝ որպես նախարարի տեղակալ»:

Առավել մանրամասն՝ թերթի այսօրվա համարում