Երեւան-Արտաշատ ճանապարհի մայրուղու մոտ գտնվող «Կոնտինենտալ» ռեստորանային համալիրի հարակից տարածքում այսօր՝ սեպտեմբերի 4-ի գիշեր դանակահարություն է տեղի ունեցել, որի հետեւանքով մի երիտասարդ տեղում մահացել է:

NEWS.am-ին հայտնի է դարձել, որ տվյալ ռեստորանում միջոցառման երկու մասնակից վիճել են միմյանց հետ, նրանցից մեկի որդին դուրս է հրավիրել նրանց՝ դրսում շարունակելու: Վիճաբանության ժամանակ 25-ամյա երիտասարդը՝ Ստեփան Մինասյանը, դանակահարվել է եւ մահացել: Իսկ դանակահարության մեջ կասկածվողը այս պահին հիվանդանոցում է:

Հիվանդանոց տեղափոխվածներն են 45-ամյա Եղիշ Հ.-ն եւ 21-ամյա Հարություն Մ.-ն։

Ոստիկանությւունից դեպքի կապակցությամբ մեզ հայտնեցին, որ տղամարդը գտնվում է ոստիկանների հսկողության տակ: Տեղի ունեցածի մասին մանրամասներ չեն հայտնել: Հարուցվել է քրեական գործ: