Հայաստանի վարչապետ Կարեն Կարապետյանն, այսօր՝ դեկտեմբերի 7-ին, կառավարության նիստում արտահանվող եւ ներմուծվող սննդամթերքի փորձաքննության կարգի հստակեցման վերաբերյալ հանձնարարական տվեց:
«Սննդամթերքի անվտանգության ոլորտում իրականացվող վարչարարության շահառուների մեծ զանգվածը՝ գործարար միջավայրի ներկայացուցիչներն են։ Այդ տեսանկյունից անհրաժեշտ է, որպեսզի արտահանվող կամ ներմուծվող ապրանքների թույլտվության տրամադրումը, փորձաքննության ներկայացվող պահանջները եւ կարգը լինեն հստակ եւ կանխատեսելի։
Ներկայումս գործող կառավարության մի շարք որոշումներով սահմանված սննդամթերքի փորձաքննության անցկացման կարգերում, չնայած կատարված աշխատանքներին, դեռեւս ամբողջությամբ չեն տեղայնացվել միջազգային նորմերը՝ օրինակ առավել մեծ ռիսկայնության աստիճանի սննդամթերքի որոշման կարգավորումները եւ դրանից բխող հետեւանքները եւ այլն։ Արդյունքում գործարարների մոտ օբյեկտիվորեն կարող է առաջանալ տարընկալում՝ մասնավորապես սննդամթերքի ներմուծման եւ արտահանման վարչարարության դեպքերում»,- ասաց Կարեն Կարապետյանը:
Նա Սննդի անվտանգության պետական ծառայության պետին եւ Տնտեսական զարգացման եւ ներդրումների նախարարին հանձնարարեց մինչ տարեվերջ համատեղ մշակել եւ կառավարության աշխատակազմ ներկայացնել սննդամթերքի արտահանման եւ ներմուծման դեպքերում պահանջվող փաստաթղթերի, փորձաքննության կարգի հստակեցման, միջազգային նորմերի տեղայնացման՝ կառավարության մի շարք որոշումներում փոփոխություններ կատարելու վերաբերյալ առաջարկություններ։ «Մանավանդ, որ վերջերս մամուլում տեղ են գտել հավի մսի ներմուծման հետ կապված որոշ խնդիրների մասին նյութեր»,- ասաց Կարեն Կարապետյանը:
Զախարովա. Արևմուտքը Հայաստանը դիտարկում է որպես գործիք, որի հետ կխաղա, հետո կլքի 
Ծննդաբերությունից հետո Լուսինեի մոտ քաղցկեղ են հայտնաբերել 
