Հայաստանի ԱԻՆ-ում, մարտի 11-ին, ժամը 21:04-ին ահազանգ է ստացվել, որ Երեւան քաղաքի Ն. Զարյան եւ Հր. Քոչար խաչմերուկի մոտակայքում տեղի է ունեցել ավտովթար, առկա են տուժածներ. անհրաժեշտ է փրկարարների օգնությունը:

Դեպքի վայր են մեկնել մեկ մարտական հաշվարկ եւ Աղետների բժշկության կենտրոնի հերթապահ բժիշկը:

Պարզվել է, որ Հր. Քոչարի փողոցի թիվ 41 շենքի մոտակայքում բախվել են «Kia Forte» մակնիշի 01 OO 899 պետհամարանիշի (վարորդ՝ 1968 թ. ծնված Ա. Տ.) եւ «Տաքսի Տուր» տաքսի-ծառայությանը սպասարկող «SKODA RAPID» մակնիշի 422 LD 61 պետհամարանիշի (վարորդ՝ 1969 թ. ծնված Ս. Հ.) ավտոմեքենաները:

Մինչ փրկարարների՝ կանչի վայր հասնելը տուժածներից մեկը հոսպիտալացվել է:

Փրկարարները «SKODA RAPID» մակնիշի ավտոմեքենայից դուրս են բերել ուղեւորին, ով հոսպիտալացվել է «Աստղիկ» ԲԿ:

«SKODA RAPID» ավտոմեքենայի վարորդը հոսպիտալացվել է «Գր.Լուսավորիչ» ԲԿ, իսկ «Kia Forte» ավտոմեքենայի վարորդին բժիշկները տեղում ցուցաբերել են առաջին բուժօգնություն: