Hraparak.am-ի տեղեկություններով` Կոտայքի մարզպետ Կարապետ Գուլոյանը հրաժարականի դիմում է ներկայացրել: Այսօր Կոտայքի մարզպետը հավաքել է համայնքապետերին, դպրոցի տնօրեններին, մարզպետարանի աշխատակզմին, հրաժեշտ է տվել եւ հեռացել մարզպետարանի շենքից:
Նա իր խոսքում նաեւ շնորհակալություն է հայտնել բոլորին համատեղ աշխատանքի համար: Տեղեկությունը ճշտելու համար զանգահարեցինք մարզպետ Կարապետ Գուլոյանի քարտուղարուհուն՝ Տաթեւիկին:
Նա հաստատեց ինֆորմացիան, սակայն հորդորեց զանգարհարել լրատվության բաժին:
Ի դեպ, մեր աղբյուրը մեզ հայտնեց, որ Կարապետ Գուլոյանը հույս է ունեցել, որ պաշտոն կառաջարկեն, սակայն դա տեղի չի ունեցել, եւ ինքն է հրաժարականի դիմում ներկայացրել: Մարզպետի հրաժեշտից հուզվել են նաեւ որոշ համայնքի ղեկավարներ: