ՀՀ ազգային անվտանգության ծառայությունը պարզաբանել է լրատվամիջոցների կողմից մայիսի 27-ին տարածված տեղեկատվությունը, որ Արմավիրի մարզի Նոր Ամասիա գյուղի տարածքում հայտնաբերվել է օդապարիկ, որի վրա տեսախցիկ է եղել:

Ինչպես տեղեկացրին ՀՀ ԱԱԾ մամուլի կենտրոնից, օդապարիկը գյուղացիները ներկայացրել են ԱԱԾ աշխատակիցներին՝ պարզելու թե ինչ է այն իրենից ներկայացնում:

Պարզվել է, որ այն հեռակառավարվող խաղալիք է, որը կարելի է գնել Երևանի խանութներում և իրենից որևէ վտանգ չի ներկայացնում: