ՀՀ վարչապետ Նիկոլ Փաշինյանի որոշմամբ, Վահագն Հարությունյանն ազատվել է ՀՀ Քննչական կոմիտեի նախագահի տեղակալի, հատկապես կարևոր գործերի քննության գլխավոր վարչության պետի պաշտոնից:
«Ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 20-րդ հոդվածի 5-րդ մասով, 22-րդ հոդվածի 1-ին մասի 2-րդ կետով՝
Վահագն Հարությունյանին ազատել Հայաստանի Հանրապետության քննչական կոմիտեի նախագահի տեղակալ, հատկապես կարևոր գործերի քննության գլխավոր վարչության պետի պաշտոնից՝ իր դիմումի համաձայն»,-ասված է վարչապետի որոշման մեջ:
Հիշեցնենք, որ Վահագն Հարությունյանը «Մարտի 1»-ի գործով քննչական խմբի ղեկավարն էր, եւ բազմիցս հայտարարել է, որ մարտի 1-ին ծառայողական պարտականությունների չարաշահման որեւէ դեպք չի բացահայտվել, իսկ ոստիկանության գործողությունները եղել են իրավաչափ: ՀՀ վարչապետ Նիկոլ Փաշինյանը իշխանության գալուց հետո հայտարարել է, որ Մարտի 1-ի բացահայտումը իր առաջնահերթություններից է: Այս գործով վերջերս հետախուզում է հայտարարվել այն ժամանակ պաշտպանության նախարարի պաշտոնը զբաղեցնող Միքայել Հարությունյանի նկատմամբ: Բացի այդ, հարցաքննության է կանչվել ՀՀ երկրորդ նախագահ Ռոբերտ Քոչարյանը:
Զախարովա. Արևմուտքը Հայաստանը դիտարկում է որպես գործիք, որի հետ կխաղա, հետո կլքի 
Ծննդաբերությունից հետո Լուսինեի մոտ քաղցկեղ են հայտնաբերել 
