Ոչ մի կաշկանդվածություն չկա նախկին պաշտոնյաներին կամ նրանց հարազատներին հարցաքննության կանչելու հետ կապված: Այս մասին ասաց ՀՀ Քննչական կոմիտեի նորանշանակ նախագահ Հայկ Գրիգորյանը:
«Ոչ մի կաշկանդվածություն չկա՝ անկախ պաշտոնից: Մենք մեր գործառույթներն իրականացնելու ենք օրենքով վերապահված լիազորությունների շրջանակում: Ոչ մի կաշկանդվածություն չկա, ընդհակառակը, հանրային այս վստահությունը մենք իրավունք չունենք խոցելի դարձնել»,- ասաց Քննչական կոմիտեի նախագահը:
Նշենք, որ ԱԱԾ տնօրեն Արթուր Վանեցյանը, ՀՔԾ պետ Սասուն Խաչատրյանը, ոստիկանապետ Վալերի Օսիպյանը լրագրողների հետ զրույցում բազմիցս հայտարարել են, որ որեւէ կաշկանդվածություն չունեն պաշտոնյաների հետ կապված, եւ բոլորը հավասար են օրենքի առաջ:
Կայծակը հարվածել է Աբու Դաբիից Երևան թռչող ինքնաթիռին, դիմապակին վնասվել է, խուճապ է սկսվել 
