Երեկ տեղի ունեցավ Երևանի քաղաքապետի ընտրությունները, որտեղ Հայկ Մարությանը հաղթանակ տարավ ձայների 81.1% կազմող մեծամասնությամբ: Նման գերակշիռ արդյունքների մասին, Yelaket.am\Ելակետ լրատվական-ի հետ զրույցում, խոսեց քաղաքագետ Նարեկ Գալստյանը, ով մասնավորապես նշեց՝
«Բոլոր այն երկրներում, որտեղ անցնում են ճգնաժամերով և ինչ որ ընտրություններ են անցկացվում (պետական կամ համապետական մակարդակով), նման թվեր հաճախ են հանդիպում: Դրանք վկայում են համակարգային փոփոխության տեղի ունենալու և այն մասին, որ նոր իշխանության ուժի նկատմամբ ոչ միայն վստահութուն է, այլ ևս մի անգամ նախորդ ռեժիմի մերժում», - նկատում է քաղաքագետն ու հավելում՝
«Տվյալ դեպքում՝ դեռ միայն Երևանի մասշտաբով, կարող ենք ասել, որ տեղի է ունեցել կոնցենտրացիա, որը ներառում է և՛ «Իմ քայլը» դաշինքի օգտին քվերակած ձայները, և՛ այն մարդկանց, ովքեր ևս մեկ անգամ մերժեցին նախորդ ռեժիմը. սա հոգեբանական խնդիր է:
Սա շատ լուրջ պատասխանատվություն է հաղթող ուժի համար այն առումով, որ նա գործ է ունենալու շատ բարձր ակնկալիքներ ունեցող մեծ թվով մարդկանց հետ, ովքեր ակնակալում են արագ լուծում հրատապ հարցերի հետ կապված:
ժամանակը միայն ցույց կտա` ինչպիսին կլինի հետագա ընթացքը, պետք է հույս ունենանք, որ այդ ակնկալիքները կբավարարվեն. սա ցուցանիշ է նաև հետագա արտահերթ ընտրությունների համար»:
Նյութի աղբյուրը` yelaket.am