Ի ԳԻՏՈՒԹՅՈՒՆ ՈՐՈՇ ՊԵՏԱԿԱՆ ԿԱՌՈՒՅՑՆԵՐԻ. Սգո օրերին Հայաստանի Հանրապետության դրոշը պաշտոնապես պետք է իջեցվի

Իմ կողմից արված լուսանկարներում պարզ երևում է, որ որոշ պետական կառույցները խախտելով օրենքը («Համաձայն «Կառավարության կառուցվածքի եւ գործունեության մասին» օրենքի 7-րդ հոդվածի 5-րդ մասի՝
1. Հայաստանի ազգային հերոս, Շարլ Ազնավուրի հուղարկավորության օրը` 2018 թվականի հոկտեմբերի 6-ը, Հայաստանի Հանրապետությունում հայտարարել սուգ:

2. Հանձնարարել Հայաստանի Հանրապետության պետական կառավարման համակարգի մարմինների ղեկավարներին եւ առաջարկել համայնքների ղեկավարներին ապահովել «Հայաստանի Հանրապետության դրոշի մասին» օրենքի 4-րդ հոդվածի պահանջների կատարումը»։) այն է՝ Հոդված 4. Հայաստանի Հանրապետության դրոշը իջեցվում է պաշտոնապես հայտարարված սգո օրերին կամ սգո արարողությունների ժամանակ` մինչև դրոշաձողի մեջտեղը: Դրոշի վերևի մասում ամրացվում է սև ժապավեն, որի երկարությունը հավասարեցվում է դրոշի երկարությանը:

Հ.Գ. Որոշ կառույցներում ոչ թե ԻՐԱՎԻՃԱԿ է փոխվել, այլ ԿԱՐԳԱՎԻՃԱԿ:

Հ.Գ. 1 Արդարադատության նախարարության աշխատակիցը օրենքի պահանջը կատարեց իմ զգուշացնելուց րոպեներ հետո: