Երկրի սոցիալ-տնտեսական խնդիրները չպետք է հակադրել մարդկանց սոցիալական խնդիրների լուծմանը. այսինքն, երբ ասում ենք՝ բարձրացրեք թոշակներն ու աշխատավարձերը, երբեք չպետք է ասեն, դե ցույց տվեք բյուջեում այդ միջոցները. այդ գումարները պետք է հայթայթել եւ մենք գիտենք որտեղից: Այս մասին այսօր՝ նոյեմբերի 26-ին, լրագրողների հետ հանդիպման ժամանակ ներկայացնելու ԲՀԿ նախընտրական ծրագիրը, հայտարարեց ԱԺ փոխնախագահ, ԲՀԿ ցուցակի երկրորդ հորիզոնականը զբաղեցնող Միքայել Մելքումյանը:
«Քաղաքական հեղափոխությանը պետք է հաջորդի տնտեսական հեղափոխություն, ոչ թե պետք է 3-4 տոկոսով աճ ունենանք, այլ պետք է խոսենք երկնիշ տնտեսական աճի մասին: Պետք է տարեկան 2-3 մլրդ դոլարի ներդրումներ մտնեն Հայաստան, ոչ թե 300-400 մլն դոլարի, որպեսզի ասենք, որ իրավիճակի մեջ բեկում եղավ:
Երրորդ կետը տեխնոլոգիական հեղափոխությունն է. մենք համոզված ենք, որ երկրում տնտեսական հեղափոխություն չի կարող լինել, եթե մեր տնտեսությունը նոր տեխնոլոգիական վիճակի չբերենք:
Վրաստանում տարեկան 6-7 մլն զբոսաշրջիկ է մտնում, Հայաստանում պետք է 3 տարվա ընթացքում հասնի 4-5 մլն զբոսաշրջիկ ցուցանիշին»,-հայտարարեց նա:
Մելքումյանը նշեց, որ ԲՀԿ ծրագրի մեջ մտնում է սոցիալական բնակարանաշինությունը, որ ասենք 60-65 քմ տարածքով բնակարանները տրամադրվեն առանց կանխավճարի, հիփոթեային վարկով, շատ ցածր տոկոսներով. «Դրանց արժեքը քաղաքացու համար պետք է 20-22 հազար դոլար լինի, այն, ինչը Գագիկ Ծառուկյանն իրականացնում է Աբովյան քաղաքում»:
Մելքումյանը նշեց նաեւ, որ փետրվարի 1-ից էլեկտրաէներգիայի սակագինը 3,5 դրամ իջեցնելու ռեզերվներ կան:
Նիկոլ Փաշինյանն ու իշխանական թիմը այցելել են Հայոց ցեղասպանության հուշահամալիր (ֆոտո) 
