Արմավիրի մարզում, այսօր՝ փետրվարի 26-ին, խոշոր ավտովթար է տեղի ունեցել. ժամը 00։10-ի սահմաններում 43-ամյա Արտավազդ Ա.-ն իր վարած Volkswagen մակնիշի 35 VN 661 համարանիշի ավտոմեքենայով Երեւան-Արմավիր ավտոճանապարհի 25-րդ կմ հատվածում դեպի Երեւան ընթանալիս բախվել է իր առջեւով ընթացող 52-ամյա Անդրանիկ Մ.-ի վարած КрАЗ 250 մակնիշի 35 ԼT համարանիշի ավտոմեքենային։
Shamshyan.com-ի փոխանցմամբ, վթարի հետեւանքով Volkswagen-ի վարորդը մարմնական վնասվածքներով տեղափոխվել է Վաղարշապատի բժշկական կենտրոն։
Աղբյուրը հայտնում է, որ Volkswagen-ը ամբողջովին վերածվել է մետաղե ջարդոնի, իսկ КрАЗ-ը բարձված է եղել ապառաժ քարերով։
Վիրավորին առաջինը օգնության են հասել քաղաքացիները։ Դեպքի վայրում հավաքվածներն էլ ասում էին, որ օպերատիվ են գործել Վաղարշապատի հիվանդանոցի բժիշկները։
Նիկոլ Փաշինյանն ու իշխանական թիմը այցելել են Հայոց ցեղասպանության հուշահամալիր (ֆոտո) 
