«Հրապարակ» թերթը գրում է. «Մարտի 1-ին վարչապետ Նիկոլ Փաշինյանի հայտարարած երթը՝ 2008-ի դեպքերի 11-րդ տարելիցի կապակցությամբ, բավականին մեծաքանակ էր՝ մոտ 5 հազար մարդ էր մասնակցում, ժամը 17։30-ից Ազատության հրապարակում արդեն տեղ չկար։

Քայլում էին իշխանության ու ընդդիմության, խորհրդարանի եւ կառավարության ներկայացուցիչներ, նախկին ու ներկայիս պաշտոնյաներ։ Փաշինյանը թիկնապահների ուղեկցությամբ մտավ հրապարակ, բարձրացավ հարթակ եւ առաջնորդեց երթը։ Ելույթ չունեցավ՝ առավոտյան «լայվով» ասել էր իր ասելիքը։


Երթը Մաշտոցի պողոտայով հասավ Մյասնիկյանի արձանի մոտ, ծաղիկներ խոնարհեցին։ Այստեղ նույնպես Փաշինյանը ելույթ չունեցավ, չպատասխանեց լրագրողների հարցերին, նստեց մեքենան ու հեռացավ։

Երթի մասնակիցները միմյանց հարցնում էին՝ «հետո ի՞նչ են անելու», ապա հանրահավաքի ակնկալիքով շարժվեցին Հանրապետության հրապարակ ու ցրվեցին»:

Առավել մանրամասն՝ թերթի այսօրվա համարում