Կենտրոն վարչական շրջանի ղեկավարը շարունակում է հետևել Օպերայի տարածքում ընթացող սրճարանների ապամոնտաժման աշխատանքներին: Լրագրողների հետ զրույցում Վիկտոր Մնացականյանն ասաց, որ Կենտրոնում այլ սրճարաններ ևս կան, որոնք ապամոնտաժման ծրագրում են. «Դժվարանում եմ անուններ տալ, բայց դրանց 2-3 ամիս ժամանակ դեռ կա:
Կան կաֆեներ, որ մարդիկ տարիներով չեն աշխատացնում: Օղակաձև այգում կաֆե ունենք, որ 3-4 տարի ա՝ ոչ սեղան են դրել, ոչ բան, բետոնն արել, գնացել են»: Մնացականյանն անդրադարձել է նաև Հրազանի ձորում գտնվող «Երևանյան գիշերներ» ռեստորանին, որը պատկանում է իր ընտանիքին: ««Երևանյան գիշերներն» անօրինական չի, այդտեղ զբոսայգի չի եղել: Եթե որևէ մեկը փաստ բերի՝ ծառեր են կտրվել, թող բերի: Դա արտադրական տարածք է եղել՝ ինչ-որ լաբորատորիա, դա է դարձել ռեստորան: Եթե խնդիրներ կան, պատրաստ ենք՝ ես էլ, հայրս էլ, պատասխանենք»:
Զախարովա. Արևմուտքը Հայաստանը դիտարկում է որպես գործիք, որի հետ կխաղա, հետո կլքի 
Ծննդաբերությունից հետո Լուսինեի մոտ քաղցկեղ են հայտնաբերել 
