Աղջկա դիակը լոգարանում է եղել, տղամարդունը` հյուրասենյակում։
Կոտայքի մարզի Պռոշյան գյուղում սարսափելի դեպք է տեղի ունեցել։ Sputnik Արմենիայի տեղեկություններով` երեկ` հունիսի 20-ին, շտապօգնության խումբն ահազանգով մեկնել է գյուղի տներից մեկը և արձանագրել, որ տանը երիտասարդ աղջիկ ու տղա են մահացել։ Անմիջապես տեղեկացրել են իրավապահներին։
Մահացած աղջկա դին հայտնաբերվել է լոգարանում։ Նա 26 տարեկան էր։ Տղայի դին էլ ընկած է եղել տան հյուրասենյակում։ Նա մի քանի օրից կդառնար 30 տարեկան։ Տղամարդն ապրում էր Աշտարակ քաղաքում։
Ըստ գյուղում շրջանառվող որոշ լուրերի՝ նրանք ընկերություն էին անում։ Երիտասարդներին այդ վիճակում գտել է աղջկա մայրն ու ահազանգել 1-03։
Նախնական վարկածով՝ մահվան պատճառ է հանդիսացել գազի արտահոսքը։ Վարակածը վերջնականապես կպարզվի փորձաքննությունների արդյունքում։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
