Ռուսական Նաբերեժնիե Չելնի քաղաքի բնակչի բնակարանում հայտնաբերել են երեք «տղա-մաուգլիների»:
12, 8 և 4 տարեկան եղբայրները չեն կարողանում խոսել և հոգալ իրենց կարիքները, ունեն մտավոր խնդիրներ և այլ հիվանդություններ: Անչափահասների հարցերով տեսուչները պարզել են, որ նրանց 32-ամյա մայրը, որ աշխատում է որպես հավաքարար, գործնականում չի հոգացել երեխաների մասին: Տղաները չեն գնացել դպրոց կամ մանկապարտեզ, չեն եղել փողոցում: Նրանք նորմալ սնունդ չեն ստացել, չեն ունեցել նորմալ հագուստ, խաղալիք և հիգիենայի պարագաներ: Բնակարանում տիրել է հակասանիտարական վիճակ: Եղբայրներից յուրաքանչյուրն ունի տարբեր ազգանուն:
Երեխաները տեղափոխվել են հատուկ հաստատություն և գտնվում են բժիշկների հսկողության ներքո:
Նրանց մոր դեմ քրեական գործ է հարուցվել Ռուսաստանի Դաշնության Քրեական օրենսգրքի 156-րդ «Անչափահասին դաստիարակելու պարտականությունները չկատարելու» հոդվածով: Նրան ազատ են արձակել չհեռանալու ստորագրությամբ:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
