«Ժողովուրդ» թերթը գրում է․ «Երեկ ԱԺ նիստերի ավարտից անմիջապես հետո ԱԺ «Իմ քայլը» խմբակցության պատգամավորները շտապել են ՔՊ կուսակցության կենտրոնական գրասենյակ, որտեղ խմբակցության դռնփակ նիստ են անցկացրել:
«Ժողովուրդ» օրաթերթը տեղեկացավ, որ նիստի ընթացքում, ի թիվս այլ հարցերի, նաև քննարկվել են կարգապահական, մասնավորապես` խմբակցության նիստերից բացակայելու հարցը: Բանն այն է, որ վերջերս 88 հոգանոց խմբակցությունից նիստերին մասնակցում է ամենաշատը 25-30 պատգամավոր, մյուսները առհասարակ խմբակցության նիստերին չեն գալիս:
«Ժողովուրդ» օրաթերթը տեղեկացավ, որ նիստում բացակաների հարցը շատ խիստ է դրվել` ասելով, որ այլևս պետք է բացակայելը բացառել, քանի որ նիստերի ընթացքում կարևոր որոշումներ են կայացվում, և բոլորի ներկայությունը պարտադիր է: Ըստ այդմ, բացականերին շատ խիստ նկատողություն է տրվել»:
Առավել մանրամասն՝ թերթի այսօրվա համարում:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
