Այսօր՝ նոյեմբերի 12-ին, մահվան ելքով վրաերթ է տեղի ունեցել Արմավիրի մարզում: Ժամը 18։15-ի սահմաններում Ռուսաստանի Դաշնության քաղաքացի՝ Վլադիկավկազ քաղաքի բնակիչ, 49-ամյա Իգոր Եզդիևը իր վարած КамАЗ մակնիշի C622 AM 1 համարանիշի կցորդիչ AA 3791 15 համարանիշի ավտոմեքենայով Վաղարշապատ քաղաքի Մաշտոցի փողոցում վրաերթի է ենթարկել դեռևս անձը չպարզված հեծանվորդին։ Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, փորձել է օգնություն ցուցաբերել, սակայն հեծանվորդը տեղում մահացել է։ Ոստիկանությունն ու քննչական բաժինը ձեռնարկում են անհրաժեշտ գործողություններ՝ մահացածի ինքնությունը պարզելու համար։