Yelaket.am-ը գրում է․
Եթե դուք ցանկանում եք, որ օրը հաջողված լինի, կարողանաք կատարել ձեր բոլոր պլաններն ու ոչինչ չհետաձգել, ապա պետք է նախ ժպտաք: Ամենակարևոր նախապայմանը ժպիտով արթնանալն է: Դուք պետք է ամեն նոր օրը ժպիտով դիմավորեք.
1. Երախտագիտություն
Յուրաքանչյուր նոր օրվա համար դուք պետք է շնորհակալ լինեք: Շնորհակալ լինեք ձեր առողջության համար, նրա համար, որ հնարավորություն ունեք շփվելու մարդկանց հետ, զբաղվելու սիրելի աշխատանքով և կատարելու ձեր բոլոր նախագծերը: Հիշեք, ինչպես դիմավորում եք առավոտն, այնպես էլ անցնում է ամբողջ օրը:
2. Մեկ բաժակ ջուր կիտրոնով
Նախքան նախաճաշելը պարտադիր հիշեք, որ ձեր օրգանիզմը նույնպես արթնանալու կարիք ունի, իսկ մի բաժակ կիտրոնով ջուրը իսկական զարթուցիչ է:
3. Ցնցուղ
Առավոտյան ցնցուղ ընդունելն ամենաօգտակարն է ձեր մարմնի համար: Տաք ջուրը նպաստում է արյան շրջանառության արագացմանը, բացվում են մաշկի ծակոտիները և ձեր մարմինը սկսում է արթնանալ:
4. Առավոտյան մարզանք
Անհրաժեշտ է կատարել մի շարք ֆիզիկական վարժություններ, կամ կարելի է ասել առավոտյան գիմնաստիկա, որը դրական է ազդում մկանների վրա՝ բարձրացնելով օրգանիզմի ընդհանուր տոնուսը:
5. Ճիշտ նախաճաշ
Ճիշտ նախաճաշն ամենակարևորն է, սակայն սա չի նշանակում, որ պետք է առավոտյան ուտեք ամեն ինչ, կամ բավարարվեք մի բաժակ սուրճով: Որքան էլ զարմանալի է ամենաճիշտ նախաճաշը մրգային նախաճաշն է: Բանան, կիվի, նարինջ, խնձոր կատարյալ ընտրություն է: Կարող եք նույնիսկ կոկտեյլ պատրաստել: Նյութի աղբյուրը` https://yelaket.am/am/article/3270/
